កីឡា៖ ក្លិបបាល់ទាត់ Southampton បានប្រកាសកាលពីយប់មិញថា ការប្រកួតក្របខណ្ឌ EFL Championship រវាងក្រុមម្ចាស់ផ្ទះ Southampton ដែលនឹងត្រូវស្វាគមន៍ក្រុមភ្ញៀវ Preston North End នាវេលាម៉ោង២ និង៤៥នាទីយប់ស្អែកនេះ ត្រូវបានប្រកាសពន្យារពេល បន្ទាប់ពីមានហេតុការណ៍អគ្គិភ័យមួយបានកើតឡើងលើអគារមួយកន្លែងនៅក្បែរកីឡដ្ឋាន St. Mary។ 

ក្លិបបានបញ្ជាក់បន្ថែមថា ក្លិបបានពិភាក្សាយោបល់ជាមួយអាជ្ញាធរក្នុងតំបន់ ព្រមជាមួយសេវាសង្គ្រាះបន្ទាន់រួចរាល់ហើយ មុនពេលសម្រេចប្រកាសពន្យារពេលការប្រកួតនេះ។

ក្លិប Southampton បញ្ជាក់ថា៖ "ឧបទ្ទវហេតុនេះបានបង្កឱ្យមានការរំខានយ៉ាងខ្លាំងនៅក្នុងតំបន់  ខណៈផ្លូវសំខាន់នៅជុំវិញកីឡដ្ឋាននៅតែបន្តបិទដំណើរការនៅឡើយ ហើយក្រុងការងារសង្គ្រោះ និងពន្លត់អគ្គិភ័យនៅតែបន្តការងាររបស់ខ្លួនយ៉ាងមមាញឹក"។ ដោយឡែក ជុំវិញសំបុត្រទស្សនាដែលអ្នកគាំទ្របានទិញរួចរាល់ ក៏នៅតែមានសុពលភាពជាធម្មតានៅពេលការប្រកួតបានកំណត់កាលបរិច្ឆេទថ្មី។

គួរបញ្ជាក់ថា បច្ចុប្បន្ននេះ ក្លិបបាល់ទាត់ Southampton​ កំពុងឈរនៅចំណាត់ថ្នាក់លេខ៤ ខណៈក្លិប Preston North End កំពុងឈរនៅចំណាត់ថ្នាក់លេខ៩ នៅក្នុងក្របខណ្ឌ EFL Championship៕